Sco emprem archiv surveva ina chista da lenn cun ferradira da metal ed ina siara tut speciala. Ella porta l’annada 1783. Zacu ei igl archiv carschius ed il cantun ha fatg pretensiuns. Aschia ei igl archiv vegnius drizzaus en el pierti dalla baselgia da s. Vigeli a Sedrun. Cugl onn 1962 han las actas anflau in niev da casa en la nova casa da scola a Sedrun.
Cun l’erecziun dalla Tgèsa communala vegn patertgau vid igl archiv. Tujetsch survegn in dils pli bials archivs dalla Surselva. La carschen dallas actas dils davos decennis ha sfurzau d’anflar ina ulteriura localitad per las actas. En in dils tschalers da schurmetg ella casa da scola ei quei stau bein pusseivel.

Igl archiv ei buca mo in arcun per las actas dalla administraziun communala. Na, oz ein ils archivs daventai arcuns dalla cultura da mintga vischnaunca. Aschia posseda nies archiv ina gronda retscha da cudischs e numerusas scatlas che cuntegnan acts culturals dall’entira vischnaunca.

Giachen Antoni Curschellas (1830-1910) cun sia dunna
Maria Giuanna Hendry (1833-1916)